AF268: 23r

ṭavaruñ ʿādet ve qānūn üzre bir ay ve on gün geçmedin māniʿ olub ṭavarların // ṣatdurtmayalar ve reʿāyāya ṣāḥib‑i arż olanlar otluq biçdürüb yıġdurmaq // ve odun ṭaşıddurmaq ve ekin ekdürüb ve evler yapdurmaq ve qoçıların ve ʿarabaların // meccānen gendü ḫidmetlerine sürdürmek ve ṣalġun ṣalmaq qānūn degüldür ehl‑i ḥükm // olanlar menʿ ėdeler ve bu maqūle ḫidmetler muqābelesinde reʿāyānuñ mā teqaddümden qānūnları // ḫāneden ḫāneye ṣāḥib‑i arża birer ʿaraba otluq ve birer ʿaraba odun vėrürler // ve illā şöyle ki reʿāyāya otluq biçdürüb ve odun ṭaşıddurub hem yine ẕikr olunan // birer ʿaraba otluġı ve odunı ṭaleb ėdüb almaq isteye ehl‑i ḥükm olanlar menʿ ėdeler // ḫidmet ile edā eyledükleri kifāyet ėder cebren ziyāde aldurtmayalar ve reʿāyā baʿ[ī]d // mesāfede olub ve yāḫᵛud otluq ve odun gelmege qābil olmayan yėrde olsa // bahāları içün otluġa ve oduna duta birer ġurūş alına artuq alınmaya ve şol // qaryeler ki bir birine qarīb ve hem sınur ve muttaṣıldur ve sınurlarıarasında āḫar mezraʿa // ve ṭopraq olmaya anuñ gibi qaryelerüñ terekeleri biçilüb ve çayırları qalqduġından ṣoñra // ṭavarları bir birisinüñ sınurına girüb otarduqları‑çün nesne alınmaz müşāʿīyet // üzre mutaṣarrıf olurlar mādām‑ki müstaqill mezraʿa olmaya resm‑i otlaq // alınmaz ve ekin ekmeyüb hemān balıqçılıq ile geçinen reʿāyā otluq odun // resmen daḫı vėrmezler ve ümenā ve ümerā ve zuʿamā ve erbāb‑i tīmār olanlar reʿāyāsın // her senede üçer günden ziyāde ḫidmetlendürmeyeler ėtdürmemek isteyenleri // ehl‑i ḥükm olanlar menʿ ėdeler ve ʿöşrlerin qānūn‑i pādişāhī mūcibince aqreb // bāzāra iledüb ʿöşrüñüzdür filān yėre filān maḥalle iledüñ dėyü taʿcīz ve tażyīq // ėdüb fuqerāya ẓulm ve teʿaddī ėdenleri menʿ ve defʿ ėdeler ve şehrlerde ve qaṣabalarda // ve varoşlarda bu boġazlanan ṣıġırdan resm‑i qınnāre dėyü her ṣıġırdan ikişer aqçe // ve dört qoyundan bir aqçe aluna ayrıq nesne alınmaya ve ḫāneden ḫāneye qānūn // üzre ikişer aqçe resm‑i şemʿ‑ḫāne aluna ki mīrīdür ve Ṭūna ve Tīsa nām nehrlerüñ // üzerinde vāqiʿ olan āsiyāblardan daḫı yılda ṣāḥib‑i arża birer ġurūş // resm‑i āsiyāb vėrürler qarada olan āsiyāblar ki at ve öküz ile